ایپل مبینہ طور پر اگلے سال تک اپنا متوقع فولڈ ایبل آئی فون لانچ کرنے کی تیاریوں میں مصروف ہے، اس فون کا ڈیزائن اسمارٹ فون کی مارکیٹ میں ایک انقلاب برپا کرسکتا ہے۔
غیر ملکی میڈیا رپورٹس کے مطابق بلومبرگ کے مارک گرومین کا کہنا ہے کہ یہ اسمارٹ فون انتہائی پتلی ٹائٹینیم چیسس کا استعمال کرتے ہوئے ایک ساتھ رکھے ہوئے آئی فون ایئر کے دو ماڈلز سے مشابہت رکھتا ہے۔
رپورٹس کے مطابق فولڈ ایبل آئی فون ایپل کے آئی فون ایئر کے تجربات کا نتیجہ ہے۔ اس سے معلوم ہوتا ہے کہ آئی فون ایئر آئی فون فولڈ ایبل ٹیکنالوجی کے لیے ٹیسٹنگ گراؤنڈ کے طور پر کام کر سکتا ہے۔
توقع کی جارہی ہے کہ یہ فولڈ ایبل آئی فون بنیادی طور پر چین میں تیار ہوگا، گرومن نے اس طرف بھی اشارہ کیا کہ اس کی پیداوار کا کم از کم ایک حصہ چین میں تیار ہوگا۔
قیمت کی اگر بات کی جائے تو اس ڈیوائس کی قیمت تقریباً 2,000 ڈالر ہونے کا امکان ہے، جو کہ پہلے کے اندازوں کے مطابق ہے۔ پچھلی رپورٹس میں اس کی قیمت کا تخمینہ اس سے زیادہ لگایا گیا تھا۔
امکان ہے کہ ایپل اگلے موسم سرما میں آئی فون 18 سیریز کے ساتھ فولڈ ایبل آئی فون کی نقاب کشائی کردے گا اور یہ ممکنہ طور پر اکتوبر یا نومبر میں جاری کیا جائے گا۔ اس فون کا باضابطہ اعلان ستمبر 2026 میں کیا جا سکتا ہے۔
غیر ملکی میڈیا کے مطابق ایپل کا تازہ ترین آئی فون ایئر، جو اب اس کی لائن اپ میں سب سے پتلا ماڈل ہے، ماہرین نے جائزہ لیا ہے، جس میں ایک ایسا ڈیزائن سامنے آیا ہے جو حیرت انگیز طور پر دیکھ بھال کے عملی اختیارات کے ساتھ حیران کن پتلا پن کو یکجا کرتا ہے۔
