پاکستان سپورٹس بورڈ نے پاکستان بیس بال فیڈریشن کے سیکرٹری سید فخر علی شاہ پر پابندی عائد کر دی۔
فخر علی شاہ نے بغیر اجازت بیرون ملک ٹیمیں بھیجیں،پاکستان سپورٹس بورڈ نے جعلی این او سی جمع کرانے کا معاملہ ایف آئی اے کو بھیج دیا جبکہ سید فخر علی شاہ پر پابندی عائد کرنے کا نوٹیفکیشن بھی جاری کردیاگیاہے۔
فخر علی شاہ نے بغیر اجازت بیرون ملک ٹیمیں بھیجیں،بیس بال فیڈریشن نے ملیشیا اور تائی پے میں بغیر این او سی شرکت کی،انہیں شوکاز نوٹس دیاگیاتھالیکن ان کے جواب کو غیر تسلی بخش قرار دیا گیاہے۔ پاکستان سپورٹس بورڈ کے مطابق فخر علی شاہ نے آئین کی بارہا خلاف ورزی کی،ان پرتمام کھیلوں کی سرگرمیوں میں حصہ لینے پر پابندی عائدکرتے ہوئےتمام فیڈریشنز اور اداروں کوبھی ان سے عدم تعاون کی ہدایت کردی گئی ہے۔ فخر علی شاہ کو 30 دن میں اپیل کا حق حاصل ہے۔
