ایشیا کپ سپر فور مرحلے کے میچ میں پاکستان نے سری لنکا کو 5 وکٹوں سے شکست دے دی۔
ابوظبی میں کھیلے گئے میچ میں پاکستان نے سری لنکا کی جانب سے دیا جانے والا 134 رنز کا ہدف 18 اوور میں 5 وکٹوں کے نقصان پر حاصل کرلیا، حسین طلعت کو آل راؤنڈ کارکردگی پر میچ کا بہترین کھلاڑی قرار دیا گیا۔
محمد نواز 38 اور حسین طلعت نے 32 رنز کی شاندار اننگز کھیلی۔
صاحبزادہ فرحان 24 رنز بنا کر آؤٹ ہوئے، فخر زمان نے 17 رنز بنائے، صائم ایوب 2 اور کپتان سلمان آغا 5 رنز بنا کر پویلین لوٹ گئے۔ محمد حارث کو 13 رنز پر چمیرا نے بولڈ کیا۔
سری لنکا کی جانب سے تھکشانا اور ہسارنگا نے دو، دو کھلاڑیوں کو آؤٹ کیا۔
اس سے قبل سری لنکا نے پہلے بیٹنگ کرتے ہوئے مقررہ اوورز میں 8 وکٹ کے نقصان پر 133 رنز بنائے اور پاکستان کو جیت کے لیے 134 رنز کا ہدف دیا تھا۔
کمیندو مینڈس نے 50 رنز کی ذمہ دارانہ اننگز کھیلی، کپتان چرتھ اسالنکا 20، کوشل پریرا اور ونندو ہسارنگا 15، 15 رنز بنا کر آؤٹ ہوئے۔
اوپنر پتھم نسانکا 8 اور کوشل مینڈس بغیر کوئی رن بنائے پویلین لوٹ گئے۔
پاکستان کی جانب سے شاہین آفریدی تین کھلاڑیوں کو آؤٹ کیا، حارث رؤف اور حسین طلعت نے دو وکٹیں حاصل کیں۔
ڈو اور ڈائی میچ میں سلمان علی آغا نے ٹاس جیت کر سری لنکا کو پہلے بیٹنگ کی دعوت دی تھی۔
کپتان سلمان علی آغا نے بتایا کہ ٹیم میں کوئی تبدیلی نہیں کی گئی ہے۔
سری لنکا کی ٹیم میں دو تبدیلیاں کی گئی ہیں، کامل مشہارا او دونتھ ویلا لاگے کی جگہ مہیش تھکشانا اور چمیکا کرونا رتنے کو شامل کیا گیا ہے۔
سری لنکا کے کپتان نے کہا کہ اگر ہم ٹاس جیت جاتے تو پہلے فیلڈنگ ہی کرتے۔
واضح رہے کہ پاکستان اور سری لنکا کا میچ دونوں ٹیمیں کے لیے اہم ہیں، پاکستان کو بھارت سے شکست ہوئی جبکہ سری لنکا کو بنگلادیش نے ہرایا تھا۔
