قصور میں دلہے نے انوکھا انداز اپنایا اور کشتی پر سوار ہو کر بارات لے کر دلہن کے گھر جا پہنچا۔ سیلابی رکاوٹ بھی دو دلوں کو ملنے سے نہ روک سکی، دلہا کشتی میں بیٹھ کر اپنی دلہنیا لینے روانہ ہوا۔
قصور گنجہ کلاں کے رہائشی ماجد ڈوگر بارات کے ساتھ حجرہ شاہ مقیم جا رہے تھے کہ راستے میں سیلابی پانی آڑے آ گیا۔
راستہ بند ہونے پر دلہا اور باراتیوں نے ریسکیو 1122 کی بوٹ کا سہارا لیا اور بالآخر دلہن کے گھر پہنچ کر شادی کی خوشیاں منائیں۔
کشتی میں بارات لوگوں کی توجہ کا مرکز بن گئی اور سوشل میڈیا پر ویڈیو وائرل ہونے کے بعد موضوعِ بحث بنی ہوئی ہے۔
