سی ٹی ڈی نے تین ماہ کے دوران پنجاب بھر میں 940 انٹیلی جنس آپریشنز کیے، جن میں 89 خطرناک دہشت گرد گرفتار ہوئے، جن میں فتنہ الخوارج کے 55 ارکان بھی شامل ہیں۔ سی ٹی ڈی حکام کے مطابق لاہور اور راولپنڈی سے 14،14 دہشت گرد گرفتار کیے گئے، فیصل آباد اور بہاولپور سے سات سات، جھنگ اور سرگودھا سے چھ چھ اور ساہیوال سے پانچ گرفتاریاں ہوئیں۔
گوجرانوالہ سے 4، گجرات سے 3 اور بہاولنگر سے 3 دہشت گرد بھی پکڑے گئے۔
گرفتار دہشت گردوں میں فتنہ الخوارج کے 55، داعش کے 5 اور القاعدہ کے 2 ملزمان شامل ہیں۔
ان کی شناخت اسحاق، شعیب، حمزہ، جاوید اقبال، اسحاق خان، زاہد، سہیل، اسد، طاہر، منیر وغیرہ کے ناموں سے ہوئی ہے۔
حکام کا کہنا ہےکہ دہشت گردوں سےدھماکہ خیز مواد، موبائل فون اور نقدی برآمد ہوئی،دہشت گرد مختلف مقامات پر کاروائی کرکے عوام میں خوف و ہراس پھیلانا چاہتے تھے۔
تین ماہ میں 13521 کومبنگ آپریشنز کے دوران 1131 مشتبہ افراد گرفتارکیے، کومبنگ آپریشنزمیں 552692 افراد سے پوچھ گچھ کی گئی۔
