گلگت بلتستان حکومت کا ہیلی کاپٹر چلاس تھور کے مقام پر گر کر تباہ ہو گیا، جس کے نتیجے میں تین افراد زخمی ہو گئے۔ گلگت بلتستان حکومت کے ترجمان فیض اللہ فراق کے مطابق ہیلی کاپٹر فنی خرابی کے باعث لینڈنگ کے دوران حادثے کا شکار ہوا۔
فیض اللہ فراق نے بتایا کہ ہیلی کاپٹر میں 2 پائلٹ اور 3 ٹیکنیکل اسٹاف موجود تھے، اور اس وقت ہیلی کاپٹر سے آگ بجھانے کی کوششیں جاری ہیں۔
وزیراعلیٰ گلگت بلتستان نے افسوس کا اظہار کرتے ہوئے حکام کو فوری طور پر موقع پر پہنچنے کی ہدایت دی ہے، جبکہ ضلعی انتظامیہ اور دیگر متعلقہ افراد بھی جائے حادثہ کی طرف روانہ ہیں۔
کمانڈر ایف سی این، ڈی جی گلگت بلتستان اسکاؤٹس، کمشنر دیامر سمیت عوام کی بڑی تعداد موقع پر پہنچ چکی ہے۔
