وزیراعظم شہباز شریف نے اسلام آباد میں جیالوجیکل سروے آف پاکستان کی جدید جیو سائنس ایڈوانسڈ ریسرچ لیبارٹریز کا افتتاح کیا۔ بری فوج کے سربراہ فیلڈ مارشل سید عاصم منیر نے وفاقی وزراء اور ممتازغیرملکی شخصیات کے ہمراہ تقریب میں شرکت کی۔ یہ تقریب ملک کی معدنی تحقیقی صلاحیتوں میں نمایاں بہتری کی عکاس ہے جس کے ذریعے پاکستان کے معدنی شعبے کی ترقی کیلئے اعلیٰ سطح پر توجہ حاصل کی گئی ہے۔
