وزیرِ دفاع خواجہ آصف نے وزیراعظم شہباز شریف اور فیلڈ مارشل سید عاصم منیر کی امریکی صدر ڈونلڈ ٹرمپ سے ملاقات پر ردِعمل دیا ہے۔ سوشل میڈیا پر جاری اپنے پیغام میں خواجہ آصف نے کہا کہ “بھارت پر تاریخی فتح، سعودی عرب کے ساتھ دفاعی معاہدہ اور پاک–امریکا تعلقات میں غیرمعمولی پیش رفت اس وقت کی نمایاں کامیابیاں ہیں۔”
انہوں نے مزید کہا کہ “الحمدللہ، 2025 کامیابیوں سے بھرپور سال ثابت ہورہا ہے اور ہائبرڈ نظام کی پارٹنرشپ کا یہ تسلسل جاری ہے۔”
واضح رہے کہ آج وائٹ ہاؤس میں وزیراعظم شہباز شریف اور صدر ڈونلڈ ٹرمپ کے درمیان اہم ملاقات ہوئی، جس میں فیلڈ مارشل سید عاصم منیر، امریکی نائب صدر جے ڈی وینس اور وزیر خارجہ مارکو روبیو بھی شریک تھے۔
اوول آفس میں صدر ٹرمپ اور وزیراعظم شہباز شریف کی ملاقات ایک گھنٹہ 20 منٹ جاری رہی تاہم اس ملاقات میں ہونے والی گفتگو کی تفصیلات جاری نہیں کی گئیں۔
