وزیر اعظم شہباز شریف نے پاکستان کی سمندری حدود کی نگرانی اور خطے میں بحری توازن کو برقرار رکھنے میں پاک بحریہ کے کردار کو سراہا ہے۔ انہوں نے یہ بات نیول چیف ایڈمرل نوید اشرف سے گفتگو کرتے ہوئے آج (منگل ) کو اسلام آباد میں کہی۔
وزیراعظم نے معرکہ حق کے دوران وطن عزیز کے دفاع کے حوالے سے پاکستان بحریہ کے کردار کی تعریف کی ۔
ملاقات میں پاکستان بحریہ سے متعلق پیشہ ورانہ امور پر بات چیت کی گئی۔
