صدر آصف علی زرداری نے چین میں پولیٹیکل بیورو کے رکن اور وزیر پبلسٹی ڈیپارٹمنٹ لی شو لی سے ملاقات کی، جس میں سیاسی، اقتصادی اور ثقافتی شعبوں میں دوطرفہ تعاون کو فروغ دینے پر تبادلہ خیال کیا گیا۔ صدر آصف علی زرداری نے صوبہ سچوان میں شاندار مہمان نوازی پر شکریہ ادا کرتے ہوئے دوسرے گولڈن پانڈا فورم کے کامیاب انعقاد پر مبارکباد پیش کی۔
چینی وزیر لی شو لی نے صدر زرداری کو چین آمد پر خوش آمدید کہا اور صدر شی جن پنگ کی جانب سے نیک خواہشات پہنچائیں۔
انہوں نے صدر آصف علی زرداری کے رواں سال فروری کے دورۂ چین اور حالیہ دنوں چائنا ڈے لی میں شائع ہونے والے مضمون کی بھی تعریف کی۔
لی شو لی کا کہنا تھا کہ صدر آصف علی زرداری اور صدر شی جن پنگ نے پاک چین تعلقات کو مضبوط قیادت فراہم کی ہے، اور دونوں ممالک ہمیشہ ایک دوسرے کے ساتھ مضبوط برادر ملک رہیں گے۔
پاکستان چین، دوستی آئندہ برسوں میں مزید فروغ پائے گی۔ انہوں نے مزید کہا کہ دنیا کو آج کتابوں کی خوشبو کی ضرورت ہے، بارود کی بو کی نہیں۔
