سپریم کورٹ میں بانی تحریکِ انصاف عمران خان کی جانب سے 9 مئی کے واقعات سے متعلق درج مقدمات میں ضمانت کی اپیلوں پر ہونے والی سماعت کے لیے تشکیل دیا گیا بینچ تبدیل کر دیا گیا ہے، جس کے نتیجے میں کیس کی آئندہ سماعت پر اثرات مرتب ہونے کا امکان ہے، جبکہ قانونی و سیاسی حلقوں میں اس تبدیلی کو غیر معمولی پیش رفت کے طور پر دیکھا جا رہا ہے۔
بینچ میں جسٹس میاں گل حسن اورنگزیب کی جگہ جسٹس حسن اظہر رضوی کو شامل کیا گیا ہے ، چیف جسٹس یحییٰ آفریدی کی سربراہی میں 3رکنی بینچ آج ساڑھے 10 بجے سماعت کرے گا۔
واضح رہے گزشتہ روز اسپیشل پراسیکیوٹر ذوالفقار نقوی کی طبیعت خراب ہونے کی وجہ سے اپیلوں پر سماعت ملتوی کی گئی تھی ، عدالت نے آج دوبارہ کیس کی سماعت کا حکمنامہ جاری کیا تھا۔
