وزیراعظم محمد شہباز شریف سے گورنر خیبر پختونخوا فیصل کریم کنڈی نے ملاقات کی۔ گورنر نے وزیراعظم کو دریائے سوات میں پیش آنے والے افسوسناک واقعے کے حوالے سے بریفنگ دی۔
وزیر اعظم نے قیمتی جانوں کے ضیاع پر افسوس کا اظہار کیا اور متعلقہ اداروں کو اس قسم کے واقعات کے تدارک اور روک تھام کے لئے اپنی استعداد بڑھانے کی ہدایت کی۔
ملاقات میں مجموعی ملکی صورت حال پر بھی تبادلہء خیال کیا گیا، ملاقات میں وفاقی وزیر انجینئر امیر مقام ، رانا مبشر اقبال، مشیر وزیراعظم رانا ثناء اللہ ، وزیر مملکت عبدالرحمان کانجو اور معاون خصوصی طلحہ برکی موجود تھے۔
