وزیراعظم شہباز شریف ازبکستان کے دو روزہ دورے پر تاشقند پہنچ گئے۔ وزیراعظم ازبکستان کے 2 روزہ دورے پرآذربائیجان کے دارالحکومت باکو سے تاشقند پہنچے جہاں ازبک وزیراعظم، وزیرخارجہ اور تاشقند کے میئر نے ان کا استقبال کیا۔نائب وزیرِاعظم اسحاق ڈار، وزیرِتجارت جام کمال خان، وزیرِ سرمایہ کاری عبدالعلیم خان سمیت دیگر ان کے ہمراہ ہیں۔
وزیراعظم ازبک صدر اور وزیراعظم سے ملاقاتیں اور پاک ازبکستان بزنس فورم سے خطاب کریں گے۔
اس سے قبل وزیراعظم نے آذربائیجان کے دارالحکومت میں قائم آسان خدمت مرکز کا دورہ کیا۔ آذر بائیجان کے حکام کی جانب سے وزیراعظم کو آسان خدمت مرکز میں عوام کو دی جانے والی سہولتوں سے متعلق اردو میں بھی بریفنگ دی گئی۔
