اقوام متحدہ پاکستان نے معروف اداکارہ ہانیہ عامر کو نیا نیشنل گڈ وِل ایمبیسیڈر مقرر کر دیا ہے۔
تنظیم کے مطابق ہانیہ عامر خواتین کے حقوق، برابری اور بااختیاری کے فروغ میں اہم کردار ادا کریں گی۔
انسٹاگرام پر جاری کی گئی پوسٹ میں بتایا گیا کہ ہانیہ اپنے نئے عہدے کے تحت اپنے پلیٹ فارم سے آگاہی پھیلانے، عملی اقدامات کی حوصلہ افزائی کرنے، اور ملک بھر میں خواتین و لڑکیوں کی آواز کو مزید مضبوط کرنے میں مدد کریں گی۔
ہانیہ عامر نے کہا کہ خواتین کے لیے برابری اور انہیں بااختیار بنانا ان کی اولین ترجیح ہے اور ہر لڑکی کو اپنے خواب پورے کرنے کا حق حاصل ہونا چاہیے۔
یاد رہے کہ چند روز قبل ہانیہ عامر امریکا کے شہر ہیوسٹن میں ایک ایوارڈ تقریب کے دوران طبیعت ناساز ہونے کے باعث زیر علاج رہیں تاہم اب وہ صحت یاب ہیں۔
