پاکستانی شوبز انڈسٹری کے پروڈیوسر وجاہت رؤف نے انکشاف کیا ہے کہ انہوں نے اداکارہ ماہرہ خان کو بطور وی جے متعارف کروایا۔
حال ہی میں پروڈیوسر وجاہت رؤف نے نجی نیوز چینل کے پوڈ کاسٹ میں بطور مہمان شرکت کی جہاں انہوں نے مختلف موضوعات پر اپنے خیالات کا اظہار کیا۔
انہوں نے انکشاف کیا کہ وہ ایک تقریب میں گئے تھے جہاں انہوں نے ماہرہ خان ڈانس کرتے دیکھا اور اس وقت انہٰں اپنے چینل پر لینے کا فیصلہ کیا۔
وجاہت رؤف نے کہا کہ اس وقت وہ نجی ٹی وی کے ایک پروگرام میں شامل ہوئے تھے جہاں ماہرہ خان کو بطور وی جے متعارف کرایا گیا تھا۔
انہوں نے یہ بھی اعتراف کیا کہ ماہرہ نے ان کے ساتھ تقریباً تین سے چار سال کام کیا۔ وہ کام کے وقت کے دوران انہیں رپورٹ کرتی تھی۔
پروگرام کے دوران ایک سوال کے جواب میں وجاہت رؤف نے واضح کیا کہ انہوں نے ہانیہ عامر کو فلم انڈسٹری میں متعارف نہیں کرایا، وہ پہلے سے ہی کام کر رہی تھیں۔
ان کے مطابق ہانیہ عامر کو شوبز انڈسٹری میں کام کرتے ہوئے تقریبا چار سال کا عرصہ گزر گیا تھا تو انہوں نے اداکارہ کو فلموں میں کاسٹ کرنا شروع کیا۔
انہوں نے اس تاثر کو مسترد کیا کہ ماہرہ خان کی فیس کی وجہ سے وہ انہیں کاسٹ نہیں کرتے۔
اسی بات پر وجاہت رؤف کی اہلیہ شازیہ وجاہت نے بھی کہا کہ انہوں نے ماہرہ خان کو کاسٹ کرنے کی کوشش کی لیکن اس وقت اداکارہ دوسرے منصوبوں میں مصروف تھیں، جس وجہ سے ان کے ساتھ وہ کام نہیں کر سکے۔
