ملک کے مختلف حصوں میں بارش اور برف باری کی وجہ سے حادثات میں نو افراد جاں بحق اور متعدد زخمی ہوگئے
بارش سے جہاں لوگ لطف اندوز ہو رہے ہیں وہیں لاپرواہی اور کچے مکان گرنے سے حادثات بھی رونما ہو رہے ہیں ۔۔۔ ہری پور کے علاقے تلوکر کے قریب برساتی نالے میں طغیانی سے تین بچوں سمیت ایک ہی خاندان کے چھ افراد نالے میں بہہ گئے۔ ایک بچے کی لاش اور ایک کو زندہ نکال لیا گیا دیگر کی تلاش جاری ہے ۔۔۔ پنڈی بھٹیاں میں ہوٹل کی دیوار گرنے سے ایک شخص ہلاک اور تین زخمی ہوگئے ۔ صوابی کے مہاجر کیمپ میں چھت گر نے سے دو بھائی ہلاک اور آٹھ افراد زخمی ہوئے ۔ شانگلہ کے ملک خیل میں برفانی تودہ گرنے سے تین راہ گیر ہلاک ہوئے اور بشام لاہور نالے کے قریب گاڑی کھائی میں گرنے سے ایک شخص جاں بحق ہوا۔
راولپنڈی کے علاقے ڈھوک سیداں میں چھت گرنے سے ایک شخص ہلاک اور دو زخمی ہو گئے۔ اسی طرح خانیوال کے علاقے جسونت نگر میں مکان کی چھت گرنے سے سات افراد ملبے تلے دب گئے ۔۔ تمام افراد کو زخمی حالت میں کرتے خانیوال اسپتال لے جایا گیا ۔
