محکمہ موسمیات کے مطابق آئندہ چوبیس گھنٹوں کے دوران ملک کے بیشتر علاقوں میں موسم خشک اور سرد رہے گا جبکہ بلوچستان اور ملک کے بالائی علاقے شدید سردی کی لہر کے زیر اثر رہیں گے۔
پنجاب کے بیشتر میدانی علاقوں، لاڑکانہ، پشاور اور سکھر ڈویژنز میں رات اور صبح کے وقت شدید دھند چھائی رہے گی۔
آج ملک میں کم سے کم درجہ حرارت اسکردو میں منفی چودہ اور استور میں منفی تیرہ ڈگری سینٹی گریڈ ریکارڈ کیا گیا۔
