جنوبی کوریا میں الیکٹرک گاڑیوں کو چارج کرنے والی سڑک

جنوبی کوریا کے حکام کا کہنا ہے کہ یہ دنیا میں اپنی نوعیت کی پہلی سڑک ہے اور اس کی لمبائی 12 کلومیٹر ہے۔ اس کا مطلب ہے کہ جن گاڑیوں میں سڑک کے ساتھ ہم آہنگ آلات لگا گئے ہیں اور اسے چارج کرنے کے لیے رکنے کی ضرورت نہیں ہے۔ دو بسیں اس ٹیکنالوجی سے استفادہ کر رہی ہیں اور 2015ء تک اس میں دس مزید بسوں کا اضافہ کیا جائے گا۔ کوریا ایڈوانس انسٹیٹیوٹ آف سائنس اینڈ ٹیکنالوجی (کائسٹ) کے ڈانگ ہو چو کا جو اس پروجکٹ کے سربراہ ہیں کہنا ہے ’یہ بڑی فخر کی بات ہے کہ ہم اس منصوبے میں کامیاب ہوگئے تاکہ بسیں عوام کو ٹرانسپورٹ کی سہولت مہیا کریں۔ انھوں نے کہا کہ یہ یقیناً او ایل ای وی ٹیکنالوجی کے لئے مزید کمرشل سطح پر جانے اور عوامی ٹرانسپورٹ میں مقبولیت حاصل کرنے کے لیے ایک بڑا موقع ہے۔ اس کی چارجنگ کا طریقہ کار یہ ہے کہ بس کے نیچھے لگا ہوا ایک آلہ سڑک سے شیپڈ میگنیٹک فیلڈ ان ریزنینس نامی ٹیکنالوجی کے ذریعے توانائی حاصل کرتا ہے۔ سڑک کے نیچھے نصب بجلی کی تاروں کے ذریعے الیکٹرو میگنیٹک فیلڈ پیدا کی جاتی ہے جس سے بس کے نیچھے لگا آلہ بجلی بناتا ہے۔ یہ آلہ سڑک کی سطح سے تقریباً 17 سنٹی میٹر تک اوپر ہو سکتا ہے۔