امریکہ میں مقیم ہندوستانی طالبہ ایشا کھرے نے چھوٹے سائز کا ایک ایسا آلہ تیار کیا ہے جو موبائل فون کی بیٹری کے اندر فٹ ہو سکتا ہے۔
ایشا کا دعوی ہے کہ اس سے موبائل فون 20 سے 30 سیکنڈ میں مکمل طور پر چارج ہو سکے گا اور اسے کار کی بیٹری کے لیے بھی استعمال میں لایا جا سکے گا۔
اس ایجاد کے لیے 18 سالہ ایشا کھرے کو ’انٹیل فاؤنڈیشن ینگ سائنٹسٹ ایوارڈ‘ سے نوازا گیا ہے اور 50،000 ڈالر کی اسکالرشپ بھی دی گئی ہے۔
کمپیوٹر آلات بنانے والی دنیا کی معروف کمپنی ’انٹیل‘ ہر سال دنیا بھر کے مختلف سکولوں سے تقریباً 70 لاکھ بچوں کا مقابلہ منعقد کرواتا ہے۔
