جنوبی کوریا کی کمپنی سام سنگ نے 2013 کی پہلی سہ ماہی میں اکتالیس فیصد منافع کا اعلان کیا ہے۔
کمپنی کے مطابق ان کے منافع میں اضافے کی وجہ سمارٹ فونز کی بڑھتی ہوئی فروخت ہے۔
اس عرصے میں سام سنگ نے 6.4 بلین امریکی ڈالر کا خالص منافع کمایا ہے جو گذشتہ سہ ماہی سے 41 فیصد زیادہ ہے۔
سام سنگ کے برعکس ایپل نے چند دن پہلے جاری کیے گئے اعداو شمار میں منافعے میں کمی بتائی تھی۔
ایپل کمپنی کے پیش کردہ رواں سال کی پہلی سہ ماہی کے اعداد و شمار کے مطابق اس کے منافعے میں ایک عشرے میں پہلی بار کمی آئی ہے۔ تاہم کمپنی نے کہا ہے کہ وہ پھر بھی حصہ داروں کو ملنے والے منافع میں اضافہ کرے گی۔
