سندھ حکومت نے کراچی سمیت صوبے بھر میں ایک ماہ کے لیے دفعہ 144 نافذ کر دی، جس کے تحت جلسے، جلوس اور عوامی اجتماعات پر پابندی عائد کر دی گئی ہے۔
محکمہ داخلہ سندھ کی جانب سے جاری نوٹیفکیشن کے مطابق، پانچ سے زائد افراد کے ایک جگہ جمع ہونے پر بھی پابندی ہوگی۔
یہ فیصلہ صوبے بھر میں ایک ماہ کے لیے نافذ العمل رہے گا۔
ذرائع کے مطابق، دفعہ 144 کا نفاذ آئی جی سندھ پولیس کی سفارش پر کیا گیا، جبکہ رینجرز نے بھی 11 اکتوبر کو اس کے نفاذ کی سفارش کی تھی۔
نوٹیفیکیشن کے مطابق سندھ میں دفعہ 144 کا نفاذ امن امان کی بگڑتی صورتحال کے پیش نظر کیا گیا ہے۔
