سندھ میں موسلادھار بارشیں اور ممکنہ سیلاب، این ڈی ایم اے نے الرٹ جاری کر دی

این ڈی ایم اے کے مطابق سندھ کے مختلف اضلاع میں آئندہ 12 سے 24 گھنٹوں کے دوران شدید بارش کا امکان ہے،کراچی، ٹھٹھہ، سجاول، بدین، تھرپارکر، حیدرآباد، نوابشاہ، دادو، خیرپور، سکھر، گھوٹکی، لاڑکانہ، شکارپور، جیکب آباد اور کشمور متاثر ہو سکتے ہیں۔

سسٹم کے اگلے 2-3 دن تک جاری رہنے کا امکان ہے ، بارش کا یہ شدید موسم سندھ کے مختلف حصوں میں اچانک سیلاب کا باعث بن سکتا ہے۔

کراچی، حیدرآباد اور دیگر ساحلی علاقوں، خاص طور پر نشیبی اور ناقص نکاسی والے مقامات پر شہری سیلاب کا خطرہ ہو سکتا ہے۔

 شہریوں سے گزارش ہے کہ وہ نشیبی علاقوں سے دور رہیں،نکاسی آب یقینی بنائیں اور بجلی کے کھمبوں سے دور رہیں،مزید رہنمائی کے لیے پاک این ڈی ایم اے ڈیزاسٹر الرٹ ایپ استعمال کریں۔