حکومت سندھ کی جانب سے کراچی سمیت سندھ کے مختلف شہروں میں امن و امان کی کی سنگین صورتحال کے پیش نظرموٹر سائیکل کی ڈبل سواری پر آج سے پابندی عائد کر دی گئی ہے۔
صوبے میں امن و امان کی مخدوش صورتحال اور محرم الحرام میں سیکیورٹی انتظامات کو مد نظر رکھتے ہوئے کراچی،،حیدر آباد اور خیر پور میں ڈبل سواری پر پابندی عائد کی گئی ہے، حکومت سندھ کے جاری کردی نوٹی فکیشن کے مطابق ڈبل سواری پر پابندی کا اطلاق گزشتہ رات بارہ بجے سے ہوگیا ہے، نوٹی فکیشن کے مطابق ڈبل سواری پر پابندی ستائیس نومبر تک برقرار رہےگی، جبکہ بزرگ شہری، خواتین، بچے اور صحافی پابندی سے مستثنی ہوں گے۔
