پنجاب میں سیلابی صورتحال نے پولیو مہم کو متاثر کر دیا، پنجاب میں سیلابی صورتحال کے پیشِ نظر پنجاب کے 9 اضلاع میں پولیو مہم مؤخر کی گئی ہے۔
نیشنل ایمرجنسی آپریشنز سینئر کے مطابق لاہور، شیخوپورہ، قصور، اوکاڑہ، گوجرانوالہ، سیالکوٹ، ملتان، مظفرگڑھ، بہاولپور میں پولیو مہم مؤخر کی گئی ہے جبکہ راولپنڈی، اٹک، میانوالی، فیصل آباد، ڈی جی خان، راجن پور، رحیم یار خان میں مہم شیڈول کے مطابق ہوگی۔
نیشنل ای او سی کے مطابق ملک کے دیگر حصوں میں پولیو مہم یکم ستمبر سے مقررہ شیڈول کے مطابق شروع ہوگی،مہم کے دوران جب بھی پولیو ٹیم آپ کے دروازے پر آئے، تو ان سے تعاون کریں، نیشنل ای او سی نے والدین سے اپیل کی ہے کہ اپنے 5 سال سے کم عمر بچوں کو پولیو کے قطرے لازمی پلوائیں۔
