متحدہ قومی موومنٹ کے قائد الطا ف حسین نے پشاور میں دہشت گردوں کی لیویز کے اہلکاروں کو اغوا ء کرنے کے بعد فائرنگ کرکے قتل کرنے کے واقعے کی مذمت کرتے ہوئے اسے بزدلانہ کارروائی قرار دیا ہے۔
لندن سے جاری بیان میں الطاف حسین نے کہا کہ دہشت گردی کے خلاف مسلح افواج ، سیکورٹی فورسز،قانون نافذ کرنے والے ادارے اور عوام کی قربانیاں رائیگا ں نہیں جائیں گی۔ انہوں نے کہاکہ لیویز اہلکاروں پر حملہ ملک کی سلامتی پر حملہ ہے اور دہشت گرد ملک و قوم کے کھلے دشمن ہیں۔ انہوں نے شہداء کے سوگوار لواحقین سے دلی تعزیت وہمدردی کااظہار کرتے ہوئے دعا کی کہ اللہ تعالیٰ شہداء کو جنت الفردو س میں اعلیٰ مقام عطا فرمائے
