سانحہ دیامر میں غیر ملکی سیاحوں کے قتل میں ملوث دو ملزمان کو پولیس نے گرفتار کر لیا ہے۔
ایک ملزم کی شناخت شفیق کے نام سے ہوئی ہے جب کہ دوسرے کا نام معلوم نہیں ہو سکا۔ پولیس نے دونوں ملزمان کو گرفتار کر کے تفتیش کے لئے نامعلوم مقام پر منتقل کر دیا۔
اس سے قبل چیف سیکریٹری منیراحمد بدانی اور آئی جی گلگت بلتستان عثمان ذکریا نے مشترکہ پریس کانفرنس کے دوران میڈیا کے نمائندوں کو بتایا تھا کہ نانگا پربت پرسیاحوں کے قتل میں سولہ ملزمان ملوث ہیں اور ان کی شناخت ہو چکی ہے، شناخت کئے گئے ملزمان کا تعلق کالعدم تنظیموں سے ہے اور وہ دیامر اور چلاس کے پہاڑی علاقوں میں مختلف ٹولیوں میں بٹے ہوئے ہیں۔
