گلگت بلتستان پبلک اکائونٹس کمیٹی کے چیئرمین سید رضی الدین رضوی کہتے ہیں گلگت میں آپریشن کی بات کرنے والے سانحہ لولو سر، چلاس اور کوہستان میں مارے گئے بے گناہ لوگوں کے قاتلوں کو گرفتار کریں۔
سید رضی الدین رضوی نے گلگت بلتستان سے جاری کئے گئے بیان میں گلگت بلتستان میں آپریشن کی باتیں کرنے والوں کی مذمت کرتے ہوئے کہا کہ مختلف سانحات کے ذمہ دارآزاد پھر رہے ہیں۔ہائی پروفائل ملزمان کو جیلوں سے فرار کرا کر امن پسند شہریوں کیخلاف آپریشن کی بات کرنا سازش ہے ۔پہلے سانحہ لولو سر، چلاس اور کوہستان میں بے گناہ لوگوں کے قتل میں ملوث افراد کیخلاف کارروائی کی جائے۔ان واقعات کے ذمہ دار آزاد ہیں ایسی باتوں سے حالات خراب ہوں گے ۔
