دنیا کی دوسری بلند ترین چوٹی کے ٹو پر کیمپ ون کے قریب برفانی تودہ گرنے سے ایک مقامی پورٹر جاں بحق ہو گیا۔ غیر ملکی کوہ پیما سمیت دیگر تمام افراد بحفاظت ایڈوانس بیس کیمپ تک پہنچ گئے،کیمپ ون سے تقریباً پانچ سو میٹر آگے ایک برفانی تودہ اچانک نیچے آ گرا۔
چار افراد تودے کی زد میں آئے،جن میں غیر ملکی کوہ پیما اور تین پاکستانی ہائی پوٹرز شامل تھے۔
جاں بحق پورٹر افتخار کی لاش کو کے ٹو بیس کیمپ منتقل کر دیا گیا،کل سکردو لایا جائے گا۔
ضلعی انتظامیہ، ریسکیو ٹیمیں، اور مقامی کوہ پیمائی ادارے اس واقعے کی مکمل نگرانی کر رہے ہیں۔
