مہمند میں سیکیورٹی فورسز نے ایک بڑی کارروائی کے دوران فتنۃ الخوارج کی جانب سے پاک افغان سیز فائر کا فائدہ اٹھا کر پاکستان میں دراندازی کی کوشش کو ناکام بنا دیا اور 45 سے 50 دہشت گرد ہلاک کر دیے۔ سیکیورٹی ذرائع کے مطابق یہ آپریشن خفیہ معلومات کی بنیاد پر کیا گیا، جس میں خوارج کے بڑے گروہ کو نشانہ بنایا گیا۔
کارروائی کے دوران کئی دہشت گرد زخمی بھی ہوئے جبکہ پاک فوج نے علاقے کو گھیرے میں لے کر مکمل کلیئرنس آپریشن شروع کر دیا۔
سیکیورٹی ذرائع کے مطابق آپریشن کے دوران فائرنگ کا تبادلہ کئی گھنٹوں سے جاری ہے، فوٹیج میں آپریشن شروع ہونے سے پہلے خارجیوں کی موومنٹ کو دیکھا جا سکتا ہے۔
ہلاک ہونے والے خوارج افغانستان سے پاکستان میں دہشت گردانہ کارروائیاں سر انجام دینے آئے تھے۔
