وزیردفاع خواجہ آصف نے کہا ہے کہ غزہ سے متعلق امور کی حتمی صورتحال جلد واضح ہو جائے گی، اور امکان ہے کہ ایک دو دن کے اندر فیصلہ سامنے آجائے۔ انہوں نے معاملات کی حساسیت اور بین الاقوامی سطح پر ہونے والے مذاکرات پر بھی روشنی ڈالی، جس کے بعد حکومت کی پالیسی کا حتمی رخ طے کیا جائے گا۔
میڈیا سے گفتگو میں خواجہ آصف نے کہا کہ غزہ کے مسلمانوں کی قربانیاں رنگ لائیں گی،جب فلسطین کی ریاست قائم ہوگی تو یہ چیزیں درست ہوں گی۔
انہوں نے کہا کہ غزہ کے حوالے سے امید کی کرن نظر آئی ہے، غزہ سے متعلق معاملات کی حتمی شکل ایک دو دن میں واضح ہوجائے گی اور توقع ہے حالات بہتر ہو جائیں گے۔
ایک سوال پر خواجہ آصف نے کہا کہ بھارت اگر دوبارہ ایڈونچر کرے گا تو اس میں بھی ذلت اٹھائے گا ،،کسی کو ہماری فورسز کی تیاریوں پر کوئی شک نہیں ہونا چاہیے۔
