آئی جی سندھ غلام نبی میمن نے 4 ڈی ایس پیز کے خلاف انکوائری کا حکم دے دیا ہے۔ ڈی آئی جی تنویر عالم اوڈھو کو انکوائری افسر مقرر کیا گیا ہے۔ ان چار ڈی ایس پیز میں ڈی ایس پی سہراب گوٹھ اورنگزیب خٹک، ڈی ایس پی کلاکوٹ آصف منور، ڈی ایس پی کھارادر شبیر احمد اور ڈی ایس پی عیدگاہ ظفر اقبال شامل ہیں۔
ان پر زمینوں پر قبضے، اسمگلنگ میں سہولت کاری، پارکنگ مافیا، ٹھیلے اور چائے کے ہوٹلوں سے بھتہ وصولی سمیت مختلف الزامات ہیں۔
ڈی ایس پی سہراب گوٹھ اورنگزیب خٹک پر زمینوں پر قبضے اور اسمگلنگ میں سہولت کاری کے الزامات ہیں، جبکہ ڈی ایس پی کلاکوٹ آصف منور پر منشیات فروشوں اور پارکنگ مافیا سے بھتہ وصولی کا الزام ہے۔
ڈی ایس پی کھارادرشبیر احمد پرٹھیلے اور چائے کےہوٹلوں سےبھتہ وصولی کاالزام ہے جبکہ ڈی ایس پی عیدگاہ ظفر اقبال پر غیر قانونی پارکنگ سمیت ٹھیلوں اور چائے کے ہوٹلوں سے بھتہ وصولی کاالزام ہے۔
آئی جی سندھ نے انکوائری افسر ڈی آئی جی تنویر عالم اوڈھو کو 26 ستمبر تک انکوائری رپورٹ جمع کرانے کی ہدایت کردی۔
