صدر مملکت آصف علی زرداری چین کے سرکاری دورے پر چنگدو پہنچ گئے۔ چنگدو ایئرپورٹ پر نائب وزیر خارجہ سن وی دونگ اور نائب گورنر سیچوان ہوانگ ریشیا نے صدر کا استقبال کیا۔
پاکستان کے سفیر خالد ہاشمی اور چینی سفیر جیانگ زائی ڈونگ نے بھی صدر کا استقبال کیا۔ چینی سفیر اس دورے کیلئے خصوصی طور پیشگی چینگدو پہنچے ہیں اس دورے میں ہر جگہ صدر مملکت کیساتھ ہونگے۔
صدر آصف زرداری چینی قیادت سے ملاقاتیں کریں گے۔دورے میں پاک چین تعلقات مزید مضبوط بنانے پر بات ہوگی۔صدر آصف زرداری مختلف شعبوں میں تعاون بڑھانے کے مواقع پر بات کریں گے۔پاک چین آل ویدر اسٹریٹجک کوآپریٹو پارٹنرشپ کو مزید آگے بڑھایا جائے گا۔
