یومِ بحریہ اس عہد کی تجدید ہے کہ پاک بحریہ وطن کے دفاع میں ہمیشہ صفِ اول میں رہے گی، صدر زرداری

‎آپریشن سومناتھ دشمن کیلئے خوف اور پاک بحریہ کیلئے فخر کی علامت بنا۔یومِ بحریہ اس عزم کی تجدید ہے کہ پاک بحریہ ہر محاذ پر قوم کا دفاع کرتی رہے گی۔

آصف زرداری کاکہنا تھا کہ ‎پاک بحریہ ایک جدید اور کثیر الجہتی فورس کے طور پر ابھری ہے۔

پاک بحریہ تجارتی راستوں کے تحفظ اور عالمی ‎امن مشنز میں بھی کردار ادا کر رہی ہے۔

بُنیان المرصوص کے دوران پاک بحریہ نے سمندری حدود کا تحفظ کرتے ہوئے دشمن کی کسی بھی ممکنہ جارحیت کو ناکام بنایا۔

صدر مملکت کا مزید کہنا تھا کہ ‎قوم کو اپنے شہداء اور غازیوں پر فخر ہے۔یومِ بحریہ پر ہم شہداء کی قربانیوں کو سلام پیش کرتے ہیں۔