بلوچستان کے ساحلی شہر گوادر میں گاڑیوں کے درمیان شدید اور خوفناک تصادم کے نتیجے میں 9 افراد جاں بحق ہو گئے، جبکہ حادثے کے نتیجے میں متعدد افراد زخمی ہوئے اور مقامی انتظامیہ اور ریسکیو ٹیمیں موقع پر پہنچ کر امدادی کارروائیاں جاری رکھے ہوئے ہیں۔
ریسکیو حکام نے اپنے بیان میں بتایا کہ اوتھل کے قریب کوچ اور دو پک اپ گاڑیاں آپس میں ٹکرا گئیں، ٹریفک حادثے میں 9 افراد جاں بحق اور 2 زخمی ہیں۔
انہوں نے بتایا کہ تیز رفتاری کے باعث فقیرہ اسٹاپ کے مقام پر حادثہ پیش آیا، زخمیوں اور لاشوں کو سول اسپتال اوتھل و بیلہ منتقل کر دیا گیا۔
حادثے میں جاں بحق افراد میں ایک پولیس اہلکار بھی شامل ہے۔
ریسکیو حکام کا کہنا تھا کہ مسافر کوچ کوئٹہ سے کراچی جبکہ پک اپ گاڑیاں خضدار جا رہی تھیں۔
