ہائی بلڈ پریشر یا بلند فشار خون کی بیماری کو جرمنی میں عوامی بیماری کہا جاتا ہے۔ اس ترقی یافتہ یورپی ملک میں 35 ملین افراد ہائی بلڈ پریشر کا شکار ہیں۔
جرمنی میں طبی معائنے کی غرض سے ڈاکٹر کے پاس جانے والے ہر مریض کا سب سے پہلے بلڈ پریشر چیک کیا جاتا ہے۔ 120 اور 80 کے درمیان بلڈ پریشر نارمل سمجھا جاتا ہے جبکہ ہائی بلڈ پریشر کے اول درجے میں مریض کا فشار خون 140 تا 153 اور 90 سے 99 تک ہوتا ہے۔ " 50 سے60 سال کی درمیانی عمر کا مریض جب ڈاکٹر کے پاس کلینک میں کسی چھوٹے موٹے سلسلے میں بھی آتا ہے تو ڈاکٹر سب سے پہلے اُس کا بلڈ پریشر چیک کرتا ہے کیونکہ اس کے ہائی بلڈ پریشر کے امکانات بہت زیادہ ہوتے ہیں" ۔ یہ کہنا ہے، یونیورسٹی کلینک بون کے پروفیسر رائنر ڈیوزنگ کا۔
