ایک تازہ تحقیقی رپورٹ میں بتایا گیا ہے کہ اپنی کم عمری میں شکر والے مشروبات کا زیادہ استعمال کرنے والے بچوں میں موٹاپے کے امکانات ایسے مشروبات کا کم استعمال کرنے والے بچوں کے مقابلے میں زیادہ ہوتے ہیں۔
اس رپورٹ کے مطابق میٹھے مشروبات کو روزانہ اور باقاعدگی سے استعمال کرنے والے بچوں میں موٹاپے اور وزن میں اضافے کا رجحان واضح طور پر دیکھا گیا ہے۔ ماہرین کے مطابق اس حوالے سے اب تک زیادہ شواہد موجود نہیں تھے، تاہم یہ دیکھا گیا ہے کہ اگر کم عمری میں میٹھے مشروبات کا استعمال کیا جائے تو نوجوانی اور جوانی میں موٹاپے یا وزن میں نمایاں اضافے کے امکانات بہت بڑھ جاتے ہیں۔
امریکا کی ورجینیا یونیورسٹی سے وابستہ ڈاکٹر مارک ڈےبوئر اس تحقیقاتی ٹیم کی سربراہی کر رہے تھے۔ ڈاکٹر ڈےبوئر کے مطابق، ’گو کہ ان میٹھے مشروبات میں کیلوریز کی فیصد مقدار خاصی کم ہوتی ہے، تاہم یہ اضافی کیلوریز وقت کے ساتھ ساتھ وزن زیادہ ہو جانے میں اہم کردار ادا کرتی ہیں۔
