ایشیائی ممالک میں پاکستان سیاحوں کا پسندیدہ 25 واں مقبول ترین مقام ہے۔
پاکستان سیاحوں کے پسندیدہ مقامات میں 3 درجے بہتری سے 122 ویں نمبر پر پہنچ گیا۔
عالمی اقتصادی فورم کے جاری کردہ سیاحتی مسابقتی انڈیکس میں پاکستان 125 ویں سے چھلانگ لگا کر 122 ویں نمبر پر پہنچ گیا ہے۔
اس انڈیکس پالیسی میں رولز، ریگولیشن، ماحولیاتی استحکام، تحفظ و سیکیورٹی، صحت و صفائی، سیاحت کو ترجیح، ائیرپورٹ ٹرانسپورٹ انفراسٹرکچر، زمینی ٹرانسپورٹ، ٹورازم انفراسٹرکچر، قیمتیں، انسانی وسائل، اور قدرتی و ثقافتی وسائل کو مدنظر رکھا گیا۔
رپورٹ کے مطابق پاکستان نے انسانی وسائل کے شعبے میں بہتری دکھائی ہے اور وہاں تعلیم اور تربیتی شعبے بہتر ہوئے ہیں، جبکہ تربیت یافتہ افرادی قوت بھی بہتر ہوئی ہے۔
تاہم اس کے ساتھ ساتھ پاکستان میں پالیسی رولز و ریگولیشن میں خراب کارکردگی دکھائی ہے۔
اس فہرست میں سیاحوں کا سب سے پسندیدہ ملک سوئٹزرلینڈ کو قرار دیا گیا ہے۔
