عالمی مارکیٹ میں سونے کی قیمت 13 ڈالر اضافے کے بعد 4015 ڈالر فی اونس تک پہنچ گئی۔ اسی طرح مقامی مارکیٹ میں بھی سونا مہنگا ہوگیا، جہاں ایک تولہ سونے کی قیمت میں 1300 روپے اضافہ ہوا اور نئی قیمت 4 لاکھ 23 ہزار 862 روپے مقرر کی گئی۔
دس گرام سونا بھی 1115 روپے مہنگا ہو کر 3 لاکھ 63 ہزار 393 روپے کا ہوگیا۔
جبکہ ایک تولہ چاندی کی قیمت میں 25 روپے اضافہ کے بعد نئی قیمت 5152 روپے ریکارڈ کی گئی۔
خیال رہے کہ کاروباری ہفتے کے آخری روز (یکم نومبر) کو عالمی اور مقامی مارکیٹ میں سونا سستا ہوا تھا۔
اس روز عالمی مارکیٹ میں سونا 16 ڈالر کمی کے بعد 4002 ڈالر فی اونس پر آگیا تھا، جب کہ مقامی مارکیٹ میں ایک تولہ سونا 1600 روپے کمی کے ساتھ 4 لاکھ 22 ہزار 562 روپے تک گر گیا تھا۔
دس گرام سونا میں 1372 روپے اور چاندی میں 65 روپے کی کمی ریکارڈ کی گئی تھی، جس کے بعد دس گرام سونا 3 لاکھ 62 ہزار 278 روپے اور ایک تولہ چاندی 5127 روپے کا ہوگیا تھا۔
