کراچی میں صوفی بزرگ حضرت عبداللہ شاہ غازی رحمتہ اللہ علیہ کے عرس کی تقریبات جاری ہیں۔ آج شہر میں عام تعطیل ہے ۔
عرس کی تقریبات کے لیے مزار پر خصوصی انتظامات کیے گئے ہیں۔ زائرین کی سخت چیکنگ کرتے ہوئے انھیں لمبی قطاروں اورواک تھرو گیٹ سے گذارا گیا۔مختلف مذہبی اور سیاسی جماعتوں کے رہنماوں نے بھی مزار پر حاضری دے کر اپنی عقیدت کا اظہار کیا۔ ملک کے دوردراز علاقوں سے عقیدت مندوں کی آمد کا سلسلہ جاری ہے مزار پر نعت خوانی اورمحفل میلاد میں بھی لوگوں کی بڑی تعداد نے شرکت کی ۔ سیکورٹی کے سخت انتطامات پر زائرین نے اطمینان کا اظہار کیا۔ دن سے رات تک مزار شریف پر عقیدت مندوں کا تانتا بندھا ہوا ہے عرس کی تقریبات جمعرات تک جاری رہیں گی۔
