خیبر ایجنسی میں شدت پسندوں کے خلاف آپریشن اور نماز جمعہ کے پیش نظر پشاور میں سیکیورٹی ہائی الرٹ ہے۔
پولیس حکام کے مطابق پشاور سے متصل قبائلی علاقے میں سیکیورٹی فورسز کا آپریشن جاری ہے۔ جس کے بعد نواحی علاقوں متنی اور بڈھ بیر میں پولیس کی گیارہ اضافی چیک پوسٹیں قائم ہیں۔ جہاں نفری بڑھا دی گئی ہے۔ پشاور کینٹ اور اندرون شہر کی جامع مساجد پر اہلکار تعینات ہیں ۔ بڑی مساجد پر واک تھرو گیٹس نصب ہیں۔ صدر بازار کو جانے والی شاہراہ بھی سیکیورٹی خدشات کی بناء پر بند کردی گئی ہے۔
