ملک میں ہر سال دو عیدیں منانے کی روایت کو ختم کرنے کیلئے میڈیا حکومت اور علماء نے ہر ممکن کوشش کی لیکن خیبر پختونخواکے بعض علاقوں آج عید منا کر نئی مثال قائم کردی گئی ۔
پشاور کے شمشتو کیمپ، شبقدر کے نواحی علاقوں اور قبائلی علاقوں میں ہزاروں افراد نے نماز عید ادا کی اور سنت ابراہیمی کی پیروی میں جانوروں کی قربانی کی ۔عید منانے والوں کا کہنا ہے کہ وہ اپنے علماء کے فیصلے سے متفق ہیں۔ایک روز قبل عید مناکر یہاں کے علماء نے ایک بار پھر بحث و مباحثے کیلئے ایک نیا محاذ کھول دیا،شبقدر کے نواحی علاقوں کے علماء آج عید منانے کے فیصلے کو درست قرار دے رہے ہیں۔ تمام بڑے شہروں میں تو آج بھی مال مویشیوں کی منڈیاں سجی ہیں، لیکن یہاں کے لوگوں نے سنت ابراہیمی کی ادائیگی بھی کردی ہے۔
