مقبوضہ کشمیرمیں پندرہ اگست کو بھارت کا یوم آزادی یوم سیاہ کے طور پر منانے اور مکمل ہڑتال کا اعلان کردیا گیا ہے جبکہ انتظامیہ نے بھارتی یوم آزادی کے پیش نظر ہائی الرٹ جاری کردیا ہے
مقبوضہ کشمیرمیں بزرگ کشمیری حریت رہنماء سید علی گیلانی نے کشمیریوں سے پندرہ اگست کو بھارت کا یوم آزادی یوم سیاہ کے طورپر منانے اور اس دن مکمل اور ہمہ گیر ہڑتال کرنے کی اپیل کی ہے
انہوں نے کشمیریوں کے جان ومال کے تحفظ میں کٹھ پتلی انتظامیہ کی ناکامی کے خلاف سولہا اگست کو مکمل ہڑتال کی بھی کال دی ہے، انہوں نے بھارتی فوج کی حمایت یافتہ ویلج ڈیفنس کمیٹیوں کو فوری طور پر غیر مسلح اور تحلیل کرنے کا مطالبہ کیا ہے, دوسری جانب مقبوضہ کشمیر میں انتظامیہ نے بھارتی یوم آزادی کے پیش نظر ہائی الرٹ جاری کردیا
شہری علاقوں میں بھارتی فوج اور پولیس کے گشت اور گھروں پر چھاپوں جبکہ دیہی علاقوں میں تلاشی کارروائیوں کا سلسلہ تیز کیا گیا ہے، سرینگر شہر میں داخل ہونے والی شاہراہوں پر خصوصی ناکوں کی وجہ سے لوگوں کو شدید مشکلات کا سامنا ہے
