سندھ ، بلوچستان اور جنوبی پنجاب کے بارش اور سیلاب سے متاثرہ علاقوں میں امداد ی کام بھرپور طریقے سے جاری ہیں۔قدرتی آفات سے نمٹنے کے قومی ادارے نے اب تک متاثرین میں بڑی تعداد میں خیمے ، خوراک ، ادویات ، پلاسٹک شیٹس ، پانی نکالنے کے پمپ اور برتن تقسیم کئے گئے ہیں۔
این ڈی ایم اے کے مطابق ضلعی حکومتوں کو اختیار دیا گیا ہے کہ وہ قدرتی آفات سے نمٹنے کے متعلقہ صوبائی اداروں کی طرف سے فراہم کردہ فنڈز کو استعمال کرتے ہوئے متاثرہ خاندانوں کو امدادی اشیاء کی فراہمی کا انتظام کریں۔
