کوئٹہ سے اغوا ہونے والے ماہر امراض چشم ڈاکٹر محمد سعید خان کی عدم بازیابی کے خلاف سرکاری ہسپتالوں میں سترویں روز بھی ڈاکٹر کی ہڑتال جاری ہے۔ مریضوں مشکلات کا سامنا ہے۔
ڈاکٹر محمد سعید خان کو سولہ اکتوبر کی شب مسلح افراد نے سریاب روڈ سے اغوا کیا جن کو سولہ روز بعد بھی بازیاب نہیں کرایا جا سکا ہے تاہم حکومت بلوچستان نے انہیں اغوا کرنے والوں کے بارے میں اطلاع دینے والوں کے لیے پچیس لاکھ روپے کااعلان کیاہے۔ ڈاکٹر محمد سعید خان کی عدم بازیابی کے خلاف پاکستان میڈیکل ایسوسی ایشن کی کال پر صوبے کے تمام سرکاری ہسپتالوں میں ڈاکٹرز ہڑتال پر ہیں۔ او پی ڈیز اور آپریشن تھیٹربند ہیں جس کے سبب ہزاروں مریضوں کو روزانہ مشکلات کا سامنا کرنا پڑ رہا ہے۔ ڈاکٹرز کی جانب سے صوبائی حکومت کو آج تک کی مہلت دی گئی تھی جس کے بعد احتجماعی استعفوں کا اعلان کیا جائے گا۔
