امریکا نے بھارتی تحفظات کو غیر ضروری قرار دیتے ہوئے پاکستان کو 8 ایف سولہ طیارے فروخت کرنے کا نوٹی فکیشن جاری کردیا ہے ۔
غیر ملکی خبر رساں ادارے کے مطابق امریکا نے پاکستان سے ایف سولہ طیارے کی خرید وفروخت کے معاہدے کو عملی جامہ پہناتے ہوئے 8 جدید ترین ایف 16 طیارے فروخت کرنے کا باضابطہ نوٹی فکیشن جاری کردیا ہے۔
مزید پڑھیں: جدید ایف-16 طیاروں کیلئے پاکستان کے امریکا سے مذاکرات
ایف سولہ طیاروں کی کل لاگت 70 کروڑ امریکی ڈالرز ہے۔
مزیدپڑھیں: امریکانے پاکستان کو8ایف سولہ طیارے فروخت کرنے کی منظوری دےدی
واضح رہے کہ پاکستان اور امریکا کے درمیان ایف 16 طیاروں کی خریدو فروخت کا معاہدہ گزشتہ ماہ ہوا تھا اور اس معاہدے کے بعد بھارت کی جانب سے پاکستان کو طیاروں کی فروخت کے امریکی فیصلے پر مایوسی اور تحفظات کا اظہار کیا گیا تھا ۔
مزید پڑھیں: ایف 16 طیارے ملنےسےپاکستان کی دہشتگردی سےنمٹنےکی صلاحیت میں اضافہ ہوگا: دفترخارجہ
جس پر امریکی محکمہ دفاع کی جانب سے بیان جاری کیا گیا تھا کہ اس معاہدے میں علاقائی صورتحال کو مدنظر رکھا گیا ہے اور یہ طیارے دہشت گردی کے خلاف جنگ میں پاکستان کی مدد کریں گے اس لئے پاکستان کو ایف سولہ طیاروں کی فروخت بھارت کے لئے تشویش کا باعث نہیں ہونی چاہئے ۔
