پاکستان پیپلز پارٹی (پی پی پی) کی رہنما اور سابق رکن سندھ اسمبلی شرمیلا فاروقی ایک بار پھر مغربی تہوار ’ہیلووین‘ کے موقع پر جوکر بن گئیں، تصاویر سوشل میڈیا پر وائرل ہو گئیں۔
فوٹو اینڈ ویڈیو شیئرنگ پلیٹ فارم انسٹا گرام پر سیاسی رہنما نے پوسٹ شیئر کی جس میں انہیں ہارلے کوئن سے متاثر جوکر کا روپ اپنائے ہوئے دیکھا جا سکتا ہے۔
شرمیلا فاروقی نے ’ہیلووین‘ کے موقع پر بھوت بن کر چند تصاویر انسٹاگرام پر شیئر کی ہیں، جس میں وہ سیاہ اور سفید رنگ کا لباس زیب تن کرکے شیطانی جوکر کا میک اوور کئے ہوئے نظر آرہی ہیں۔
اس پوسٹ کے ساتھ انہوں نے کیپشن میں سوال کرتے ہوئے لکھا کہ احمق جوکر کا روپ دھارنے کی حمت ہے؟
شرمیلا فاروقی نے مزید لکھا ہے کہ شاید میں مضحکہ خیز لگ رہی ہوں لیکن میرے ارادے اس سے الگ ہیں۔
انہوں نے اپنے منفرد میک اپ کی تعریف کرتے ہوئے میک اپ آرٹسٹ صنوبر یاسر کی محنت کو بھی خوب سراہا ہے۔
View this post on Instagram
پی پی رہنما کی اس پوسٹ پر جہاں ان کے روپ کی تعریف ہو رہی ہے وہیں صارفین ان سے ناراضی کا اظہار بھی کر رہے ہیں کہ اسرائیل کی جارحیت کا شکار فلسطینوں سے اظہارِ یک جہتی کے لیے انہیں رواں برس ’ہیلووین‘ نہیں منانا چاہیے تھا۔
