امریکا کے ارب پتی تاجر ڈونلڈ ٹرمپ کو رپبلکن پارٹی نے نومبر میں ہونے والے صدارتی انتخابات کے لیے باضابطہ طور پر اپنا امیدوار نامزد کر دیا ہے۔امریکی ریاست اوہائیو کے شہر کلیولینڈ میں جاری رپبلکن کنونشن میں ووٹنگ کے دوران ٹرمپ کے بڑے بیٹے ڈونلڈ ٹرمپ جونیئر کی حمایت کے اعلان کے بعد ٹرمپ کو بارہ سوسینتیس سے زیادہ مندوبین کی حمایت حاصل ہوگئی ہے۔
ایوانِ نمائندگان کے سپیکر پال رائن نے رپبلکن پارٹی کی جانب سے باضابطہ طور پر صدارتی نامزدگی کی دوڑ میں ڈونلڈ ٹرمپ کی جیت کا اعلان کیا۔
امریکی ریاست اوہائیو کے شہر کلیولینڈ میں جاری رپبلکن کنونشن میں ووٹنگ کے دوران ٹرمپ کے بڑے بیٹے ڈونلڈ ٹرمپ جونیئر کی حمایت کے اعلان کے بعد ٹرمپ کو بارہ سوسینتیس سے زیادہ مندوبین کی حمایت حاصل ہوگئی ہے۔
ایوانِ نمائندگان کے سپیکر پال رائن نے رپبلکن پارٹی کی جانب سے باضابطہ طور پر صدارتی نامزدگی کی دوڑ میں ڈونلڈ ٹرمپ کی جیت کا اعلان کیا۔
ٹرمپ نے ٹویٹ میں کہا کہ یہ میرے لیے بڑے اعزاز کی بات ہے، میں سخت محنت کروں گا اور آپ کو مایوس نہیں ہونے دوں گا۔ سب سے پہلے امریکہ!!
Such a great honor to be the Republican Nominee for President of the United States. I will work hard and never let you down! AMERICA FIRST!
— Donald J. Trump (@realDonaldTrump) July 19, 2016
حریف ہلیری کلنٹن کی طرف سے نے اس خبر پر فوری ردِعمل دکھاتے ہوئے ٹویٹ کیا گیا کہ ڈونلڈ ٹرمپ ابھی ابھی رپبلکن امیدوار بنے ہیں، ابھی ہمارے ساتھ شامل ہو کر اس بات کو یقینی بنائیں کہ وہ کبھی بھی (وائٹ ہاؤس کے) اوول آفس میں قدم نہ رکھ پائیں۔
Donald Trump just became the Republican nominee. Chip in now to make sure he never steps foot in the Oval Office. https://t.co/GjshXP4BAG
— Hillary Clinton (@HillaryClinton) July 19, 2016
یاد رہے کہ ٹرمپ کے حامی کل مندوبین کی تعداد 1725 رہی، ان کے حریف ٹیڈ کروز صرف 475 مندوبین اور سابق امریکہ صدر بش کے بھائی جیب بش صرف تین مندوبین کی حمایت حاصل کرنے میں کامیاب رہے۔
توقع ہے کہ ہلیری کلنٹن کی باضابطہ صدارتی نامزدگی کا اعلان اگلے ہفتے فلیڈیلفیا میں ہونے والے ڈیموکریٹک کنونشن میں کیا جائے گا۔