اپوزیشن لیڈر خورشید شاہ کو حکومت سندھ میں ہونیوالی تبدیلی کا پتہ ہی نہیں چلا، انکا کہنا ہے کہ وزیراعلیٰ سندھ کی تبدیلی کا میڈیا سے پتا چلا۔
قائد حزب اختلاف خورشید شاہ وزیر اعلیٰ سندھ کی تبدیلی سے بے خبر نکلے،میڈیا سے بات کرتے ہوئے خورشید شاہ کا کہنا تھا کہ انہیں سندھ میں وزیر اعلیٰ کی تبدیلی اور تعیناتی کا میڈیا سے معلوم ہوا، سنا ہے مراد علی شاہ نئے وزیرعلیٰ ہونگے۔
یہ بھی پڑھیں:پپپلز پارٹی نے وزیر اعلیٰ سندھ کو تبدیل کرنے کا فیصلہ کر لیا
پنجاب کے ممبرالیکشن کمیشن کی تعیناتی پر عمران خان کے اعتراض کو بلاجواز قرار دیتے ہوئے انکا کہنا تھا کہ جسٹس الطاف کے نام پر شاہ محمود قریشی کو اعتماد میں لیا تھا۔
خورشید شاہ نے کہا کہ جسٹس الطاف کا نام اپوزیشن کی لسٹ میں تیسرے نمبر پر تھا، البتہ جسٹس طارق کھوسہ کے نام پر پی ٹی آئی نے اعتراض کیا تھا، طارق کھوسہ کے نام پر تحریک انصاف کا موقف تھاکہ طارق کھوسہ مسلم لیگ ن کے آدمی ہیں۔
