اسلام آباد میں گل داؤدی کی نمائش

اسلام آباد میں گلاب و چنبیلی باغ (روز اینڈ جیسمین گارڈن) میں گل داؤدی اور موسم خزاں کے پھولوں کی تین روزہ نمائش منعقد ہوئی۔ موسم سرما کے پھولوں کی لگائی گئی اس نمائش نے ہر طرف رنگ بکھیر دیئے۔ تین روزہ نمائش کو دیکھنے کے لیے لوگوں کی ایک بڑی تعداد نے یہاں کا رخ کیا۔

موسمی پھولوں کے ساتھ ساتھ گل داؤدی خصوصی طور پر سب کی توجہ کا مرکز ہیں۔ پھولوں کی چند اقسام کو فروخت کیلئے بھی رکھا گیا ہے۔

نمائش دیکھنے والوں کا کہنا ہے کہ پھول قدرتی حسن میں اضافہ کرتے ہیں۔

پھول صحت مند ماحول میں کلیدی کردار ادا کرتے ہیں۔ ہلکے پیلے، لال، گلابی، سفید اور جامنی رنگ کے گلِ داوٴدی کے خوبصورت پھول نمائش میں رکھے گئے۔

گل داؤدی اور موسم خزاں کے پھولوں کی یہ نمائش 4 دسمبر تک جاری رہے گی۔