آرمی چیف جنرل راحیل شریف کا کہنا ہے کہ دہشت گردوں کے خلاف بلاتفریق کارروائی کی جارہی ہے اور دہشت گردوں، جرائم پیشہ و بد عنوان عناصر کا گٹھ جوڑ توڑنے کے لیے پرعزم ہیں جب کہ سی پیک کو سیکیورٹی فراہم کرنا ہمارا قومی عزم ہے۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل راحیل شریف نے چینی پیپلز لبریشن آرمی کی 89 ویں سالگرہ کے موقع پر چینی سفارتخانے میں منعقد کی گئی تقریب میں شرکت کی، تقریب میں آرمی چیف سمیت دیگراعلیٰ عہدیداربھی شریک ہوئے۔
#COAS talks to gathering by Chinese Embassy,at 89th Anniversary of founding of PLA.Sincere greetings to Chinese ldrs,people &armed forces-1
— Gen Asim Bajwa (@AsimBajwaISPR) July 28, 2016
اس موقع پر جنرل راحیل شریف نے پیپلزلبریشن آرمی کو خراج تحسین بھی پیش کرتے ہوئے کہا کہ پیپلزلبریشن آرمی طاقتورترین فوج ہے، پاکستان اور چین کے خیالات میں مطابقت مشترکہ سوچ کے عکاس ہیں جب کہ پاکستانی قوم اور فوج کو چین کے ساتھ دوستی پر فخر ہے۔
انہوں نے کہا کہ پاک چائنہ اقتصادی راہداری منصوبہ پاکستان اور خطے کے لیے گیم چینجر ہے جس سے 100 ملین افراد کی زندگی میں واضح بہتری آئے گی جب کہ سی پیک کی بر وقت تکمیل کو کسی رکاوٹ کے بغیر یقینی بنایا جائے گا۔
Chinese also thanked Pak Army for creating secure Envmt for making CPEC possible and then protecting it-8
— Gen Asim Bajwa (@AsimBajwaISPR) July 28, 2016
جنرل راحیل شریف نے کہا کہ دہشت گردوں کے خلاف بلاتفریق کارروائی جارہی ہے جب کہ دہشت گردوں، جرائم پیشہ اور بد عنوان عناصر کا گٹھ جوڑ توڑنے کے لیے پر عزم ہیں۔
دوسری جانب چینی مقررین نے پاکستان اور خطے سے دہشت گردی کے خاتمے کے لیے پاک فوج کی کوششوں کو سراہا جب کہ انہوں نے سی پیک کے لیے سیکیورٹی فراہم کرنے پر بھی پاک فوج کا شکریہ ادا کیا۔